Søgur

Blusa til damur

(blusan á myndini er stødd M) 

Stødd: S (M) L (XL) 
Vídd: 97 (103) 109 (115) cm 
Longd: 51 (56) 60 (66) cm 
Tógv: 3 (3) 4 (5) noðu av Navia Uno Vintage teak 167 
            4 (4) 6 (7) noðu avl Navia Alpakka Vintage teak 867 

Stokkar: Rundstokkur nr. 3 og nr. 4 (60 eller 80 cm), ermastokkar nr. 3  
            
Bint soleiðis at 20 eygu bundin slætt á stokki nr. 4 máta 10 cm í vídd. Hetta hevur týdning, um plaggið skal fáa røttu støddina.  

Legg til merkis: Blusan er bundin við tveimum træðrum: 1 tráði Navia Uno og 1 tráði Navia Alpakka saman. 

Bulur: Bint runt. Kasta 194 (206) 218 (230) eygu upp á rundstokki nr. 3 við italienska háttinum og við Navia Uno og Navia Alpakka saman. Bint 10 umfør rond (1 rætt, 1 rangt). Skift til rundstokk nr. 4 og bint (runt) slætt til bulurin mátar 27 (30) 32 (35) cm (ella eftir tørvi). Læs síðan av til ermagap soleiðis: Læs 4 eygu av – bint 89 (95) 101 (107) eygu slætt – læs 8 eygu av – bint 89 (95) 101 (107) eygu slætt – læs 4 eygu av. Legg bulin til síðis og bint ermarnar. 
 
Ermar: Bint runt. Kasta 80 (84) 88 (92) eygu upp á ermastokkar nr. 3 við italienska háttinum og við Navia Uno og Navia Alpakka saman. Bint 10 umfør rond (1 rætt, 1 rangt), meðan tað á síðsta umfari verða læst 8 eygu av mitt undir ermuni. Legg ermuna til síðis og bint eina ermu afturat.   
 
Raglan: Flyt øll 322 (342) 362 (382) eyguni yvir á runstokk nr. 4 soleiðis at ermarnar eru omanfyri ermagapið á bulinum. Bint 1 umfar slætt, samstundis sum 2 eygu verða bundin saman har bulur og erma møtast (318 (338) 358 (378) eygu). Set merkitráð runt um tey samanbundnu eyguni. Bint síðan 2 (3) 4 (6) umfør slætt, áðrenn tikið verður inn  til raglan soleiðis: Bint til 1 eyga er eftir til merkitráðin, tak 2 eygu rætt av, (sum at tey skulu verða bundin saman) bint 1 rætt, flyt tey 2 leysu eyguni yvirum. Tak av á henda hátt á 2. hvørjum umfari í alt  26 (28) 30 (31) ferð og tað eru 110 (114) 118 (130) eygu eftir. 
Síðan verða tey 15 (17) 19 (19) eyguni í miðjuni á forstykkinum sett at hvíla til háls.  Umfari byrjar nú á høgru síðu av hálsinum framman. Bint aftur og fram og halt áfram at taka av til raglan (á rættuni), samstundis sum tikið verður víðari av til háls við at binda 2 tey fyrstu og 2 tey síðstu eyguni saman á 2. hvørjum umfari íalt  4 (4) 4 (5) ferð. Síðan verður hálsurin bundin. 

Hálsur: Bint umleið 76 (80) 84 (88) eygu fram við hálsinum á ermastokkum nr. 3 við 1 tráði av Uno og 1 tráði av Alpakka og bint 10 umfør rond (1 rætt, 1 rangt). Læs av í rond (1 rætt, 1 rangt) við italienska háttinum. 

Vask: Vaska blusuna við Navia ullasápu og legg hana at torna. 

Sniðgevi: Sára J. Mrdalo