Maskinfólk til SMS

31. Oktober 2019

Vilt tú vera partur av einari av størstu handilsfyritøkunum í Føroyum? SMS hevur seinastu árini víðkað um sítt virksemið til at umfata fleiri handlar kring landið. SMS rekur í dag sølumiðstøðirnar SMS og Miðlon, bakaríið Mylnan, Bónus-handlar og Miklagarð.

Talan er um eitt fjølbroytt arbeiði, har tú verður partur av einum toymi, sum hevur ábyrgd av maskin- og elrakstrinum hjá SMS-samtakinum. Ein partur av arbeiðinum fer eisini fram uttan fyri vanliga arbeiðstíð. Arbeiðið umfatar bæði størri og smærri el- og maskintekniskar uppgávur umframt installasjón av nýggjum rakstrartólum herundir køliskipanir. Tú kemur at arbeiða hjá tekniska leiðaranum og umsjónarfólkum, og saman við fleiri tekniskum veitarum til rakstrartól.

Løn sambært avtalu.

Um tú hevur spurningar, ert tú vælkomin at venda tær til Regin W. Dalsgaard, býlings-og marknaðarstjóri, á tlf. 596061 ella á rwd@sms.fo

Starvið verður sett sum skjótast.