Tíðindi
Vinn eina heimakonsert við Inga Poulsen
9.07.2020
Vit kenna Inga Poulsen sum tann glaða, popputa vágbingin, sum fyri nøkrum árum síðan kom buldrandi inn í føroyska tónleikaheimin við sínum lívliga tónleiki. Ingi vann bæði Áhoyraravirðislønina og Ársins Sang á Faroese Music Awards 2020 fyri sangin ”Kostbar”. Eisini varð sangurin valdur sum Ársins Útvarpshitt 2019 hjá Kringvarpinum.
Síðan tá hevur Ingi givið aðrar sangir út, teirra millum nýggja sangin ”Hevur hon lovað”, sum kom út í juni.
Nú kanst tú vinna eina heimakonsert við Inga Poulsen.
Fyll lepan í SMSblaðnum út, klipp hann úr og legg hann í kassan á Torginum í SMS.
Vit trekkja vinnaran 17. juli.